Web3

Web3 (таксама вядомы як Web 3.0) – гэта ідэя новай ітэрацыі Сусветнага павуціння, якая ўключае ў сябе такія канцэпцыі, як дэцэнтралізацыя, тэхналогіі блокчэйн і эканоміка на аснове токенаў. Некаторыя тэхнолагі і журналісты супрацьпастаўляюць яго Web 2.0, у якім, па іх меркаванні, даныя і кантэнт цэнтралізаваны ў невялікай групе кампаній, часам званых «Big Tech». Тэрмін «Web3» быў прапанаваны ў 2014 годзе сузаснавальнікам Ethereum Гэвінам Вудам, а ў 2021 годзе гэта ідэя зацікавіла крыптавалютных энтузіястаў, буйныя тэхналагічныя кампаніі і венчурныя фірмы. Упершыню канцэпцыя Web3 была прадстаўлена ў 2013 годзе. Крытыкі выказваюць асцярогі з нагоды цэнтралізацыі капіталу ў руках невялікай групы інвестараў і прыватных асоб, а таксама страты прыватнасці ў выніку шырэйшага збору даных. Такія мільярдэры, як Ілан Маск і Джэк Дорсі, сцвярджаюць, што Web3 - гэта ўсяго толькі «гучнае» слова або маркетынгавы тэрмін.